Delhi aur Main...

Delhi... bolte hi jaise sab kuch jaldi jaldi bhagta bhagta sa najar aata ha......I luv this place, jaise koi ajib  sa rishta ho.. pichle janam ka to pata ni but is janam ka to mujhe yakin ha.... mata-pita dost bhai bahan ye sab to hume bahut si siksha dete  hi ha.... kvi-kvi jagah v humein bahut kuch sikha deti ha.. bus yahi rishta ha mera aur Dilli ka.. hummm Delhi..
yaha mujhe aajadi mili... independent woman banne ka sapna pura hua.. mallls, brands wo sab dekha jo bachpan mein TV ya magazine mein dekha karti thi..auto me baithe-baithe main apne aur Delhi ke rishton ke bare me soch rahi thi.. har us kadi ko jodne ki koshish kar rahi thi jis se Delhi aur mera rishta aur majboot ho jaye.. raat ke lagbagh 11 baj rahe the.. ab aap ko lag raha ho ga ki raat ke 11 baje main auto me kya kar rahi thi... kaha se lauti.. Delhi to safe ni ha... akeli ladki... sach kaho to mujhe dar ni lagta , kai bar logo ne poochha kyo ni dar lagta.. ye batao kya darna jaruri ha... ni na.. mera sapna tha apni jindgi khul kar jine ka.. delhi aana khuli hawa me saans lena aur jab sab mil raha ha to main bhaag ni sakti.. mujhe ye sab mil raha ha I shud feel happy..
tabhi achanak auto wale ne break lagai.. dhar se me lohe ki rod se takrai.. aur bedharak "te"ri..."..
ha main ne gali di ye v mujhe delhi se hi mila ha...
auto wala jor se chilllaya 'Are marna ha kya dikhta ni'.. main v khud ko samhalte huey...dekha uski taraf , chehare par hairani aur larkharate shabd nikle.. 'are dekho wo theek to ha'
jhat se bahar aa gai aur usko uthate huey puchha 'r u ok..' usne haami bhari ..par mujhe lag gaya ki wo theek ni ha dard to bahut ho raha tha par uske paas shabd ni the..
mein ne sthiti ko bhanpte huey usko bola ki chalo mein tumko chhor deti hu..
uske haath se botle aur ciggrate li aur usko auto mein bitha li..puchhi kaha jana ha usne university ka address dia jo mere ghar ke pass hi tha.
thori der tak auto me shanti rahi phir usne kud hi bola my name is riya.. u?
ruchi.. apna naam batate huey dhara dhar kai sawal kar diey .. mujhe isi mauke ka talash tha.. shikari ki tarah jhapata mari aur bus use katghare me khara kar dia..
samne aati gaari ki roshani me uska chehra dikh raha tha..  meri hi umar ki ho gi..
usne meri taraf dekha aur bola 'tum kya karogi jaan kar ghar chhorne ka aishan kar ri ho ye mat socho paise me de doongi..'
ajib ladki ha mein ne aisa kab kaha.. mein ne mann me socha.. tabhi us ne pucha  tum kaha  se aa ri ho.. mein ne jhat se bola 'movie dekhne gai ti' kaisi lagi movie riya ne pucha...
mein ne anmane dhang se jawab dia 'achi thi luv story'
luv story sunte hi us ne apni ciggrate mangi..dhuna hawa mein chorte huye usne bola mera break-up 2 month pahle ho gaya...
mujhe andar se hasi aai ki.. 2 month pahle and aaj haath mein daaru ... par chehre pe oh wahi expression di aur boli 'm sorry'
us ne gusse me kaha no m sorry jo mein ne aisa kia.. me shocked thi.. par uski baaton me dard jyada tha.. mujhe laga chup-chaap sunne mein hi achha ha isi bahane uska dard thora kam ho jayega..
uski taraf dekhi aur  boli'kya  hua' us ne phir ciggrate pite huey apni luv stry batana shuru kia..
hum ek workshop me mile the.. mujhe dekhte hi usse pyar ho gaya tha. but attraction infatuation jaise word ki wajah se mein ne kabhi use ni bola.. but itna tagra attraction  God knows 4 saal tak waisa hi bana raha.. ek din achanak wo mujhe mil gaya.. aur hum relation mein aa gaye.. happy couple..
mujhe uski kahani me interest aa raha tha.. wo bolti gai... par pata ni chijein kaha ulti pulti ho gai..me ne kitni kosish ki koi phayda ni hua .. ladai to har riste ka part hota ha par aisa kya chidh.. usne mujh se kaha ki wo to relation me tha hi ni.. bus mein hi ti..
kitne ajib baat ha na jiske saath mein ne aise pal bitaey jiski nisani aaj v mujh me ha ..us bande ne sab ko jhuthla diya ... wo emotions wo baatein sab khokhle ho gaye..
mature to hum dono hi the.. tabhi to usne mujhe jaate-jaate ye siksha di ki 'be flexible'.. kya samjhu uski in baaton se be flexible matlab kisi aur ke saath.. phir mujh me aur ek prostitute me kya phark rah jaye ga..
tabhi auto wale ne bola 'university aa gaya.'
mein ne us se puchha 'room tak chhor du'..
us ne bola ni 'thanx... but m nt bad y he leave me'..
 uski bato se saaf tha ki us ne jyada nasha ni kia tha.. hosh baki thi..bus dard nikaalne ke liye thoda behosh hona uske liye jaruri tha
wo chali gai par uski ek baat ne mujhe andar se jak jhor dia ki flexible ho jaun but mujhmein aur prostitute me kya phark rah jaye ga..
she was right .... mein uske pyar ya uske boyfrnd ko blame ni karna chahti ...na hi janti hu ki actually kya hua...
par thori se feeling to hoti uske boyfrnd ko kam se kam ladki ha wo ye to soch leta..
inhi sab me mera v ghar a gaya.... bed par jaate-jaate Delhi ki jindgi ko thanx bola us ne mujhe ek aur lesson jo aaj dia tha..